લોકશાહી હોય તો આવી
ભારત એ દુનિયાની મોટામાં મોટી લોકશાહી ગણાય છે. તે ઉપરાંત ભારતમાં લોહશાહી પુરાણીક વખતમાં પણ મોજુદ હતી એમાં ગૌરવ લેવાય છે. પરંતુ હજારો વર્ષની ગુલામીએ ભારતની એની ઉચ્ચ ભાવનાઓને કચડી નાખી. લોકો સત્તા અને પૈસા સામે વામણા બની ગયા. અને લઘુ ગ્રંથીતી પીડાવા માંડ્યા છે. આજે લોકશાહી હોવા છતાં પણ ભારતની લોકશાહી પરિપક્વ બની નથી. ભારતના બંધારણના ઘડવડીયા બાબા સાહેબ આંબેડકરે બંધારણ સભામાં કહ્યું હતું કે ' ભારતના લોકોની હીરો ભક્તિથી આપણે લોકશાહીને બચાવવાની છે કારણકે આખરે તો તેઓ પણ મનુષ્યો છે.' એમની વાતમાં ઇતિહાસિક તત્વ સમાયેલું હતું. આથી ભારતીય લોકશાહીને પરિપક્વ બનાવવા માટે ઘણું હજુ ઘણું કરવાંનુ છે.
અમેરિકામાં પણ લોકશાહી છે પરંતુ ત્યાં અધિકતમ લોકો શિક્ષિત અને સચિત છે. પૂર્વ પ્રમુખ ડોનાલ્ડ ટ્રમ્પ જ્યારે ચૂંટણી હારી ગયા ત્યારે તેમણે ચૂંટણી પદ્ધતિ સામે આંદોલન ચલાવ્યું હતું અને એમાં અમેરિકન સંસદ પાર હુમલો પણ થયો હતો. પરંતુ અમેરિકાનું લોકશાહી તંત્ર કોઈની શરમ રાખતું નથી. ભલે અમેરિકાની આબરૂને લાંછન લાગ્યું હોય પણ પરિસ્થિતિ કડકાઈથી સાંભળી લીધી હતી.
ત્યારબાદ ટ્રમ્પની સામે મહવિયોગનો પ્રસ્તાવ પણ લાવવામાં આવ્યો હતો. જોકે અસફળ નીવડ્યો હતો. ટ્રમ્પ સામે તપાસ આગળ વધારવા સંસદીય સમિતિ નોમાવામાં આવી હતી.હવે એનો અહેવાલ હવે આવી રહ્યો છે. એમાં ટ્રમ્પ સામે સરકાર સામે બળવો કરાવવાનો, સરકારી કામમાં અવરોધ ઉભો કરવાનો , અને સરકાર સામે કાવતરું કરી ઠગાઈ કરવાના આરોપો મુકવામાં આવ્યા છે . જો એ સાબિત થશે તો ટ્રમ્પને જેલ જવાનો વારો આવે એમ છે. તે ઉપરાંત ટ્રમ્પની બે કંપનીઓ કરચોરીમાં દોષિત જાહેર કરવામાં આવી છે. અને ટ્રમ્પના આવકના અમુક વર્ષોના ફોર્મો પણ જાહેર કરવાની અમેરિકન કોર્ટે મંજૂરી આપી દીધી છે. આથી ટ્રમ્પની મુશ્કેલીઓ વધી શકે છે. આનો અર્થ એજ છેકે અમેરિકન કોર્ટો, અમેરિકન વહીવટ તંત્ર અને સંસદ આગળ કોઈ પણ વ્યક્તિ ઉપ્પર નથી પછી ભલે એ વ્યક્તિ પ્રમુખ હોય કે પછી ધનવાન હોય . અમેરિકન લોકશાહી કોઈની સામે ઝૂકતી નથી.
ભારતમાંતો કોઈ પણ સત્તાધારી નેતાને કે ધનવાનોને કાયદાની ચુંગાલમાં લાવી સજા કરાવવામાં તો બહુજ મુશ્કેલ કામ છે. એથી ભારતે લોકશાહી સંરથાઓને વધુ મજબૂત કરવા કેટલા વર્ષો હજુ જશે એનો કોઈ ખ્યાલ નથી.
લોકશાહીના દુષણો કરતા લોકોને ફાયદાઓ મળવા જોઈએ એ સમયનો તકાદો છે.
********************************************
No comments:
Post a Comment