સત્ય નાડેલાના વિચારો અને લાગણીઓ    

                                      સત્ય  નાડેલા અમેરિકાની પ્રસિદ્ધ કંપની માઈક્રોસોફટના વડા છે.  એમના અનુભવો લાગણીઓ  અને વિચારો  એટલા જ મહત્વના છે. 

                                        એમણે એમની દાદી સાથે વાત કરી ત્યારે તેમણેકહ્યું  હતું કે 'સફળતાતો  એને જ  કહેવાય કે જયારે  ભૂતકાળનું તમારું જીવન અને  યાદોને  યાદ કરતા  તમે આનંદથી પુલકિત થાવ.' 

                                          એકવાર નાડેલાના પાલતું કુતરાનો અકસ્માત થયો અને મરી રહ્યો હતો ત્યારે એ નાડેલાની  આંખમાંથી વહેતા આંશુઓને લૂછી રહ્યો હતો. પ્રાણીઓ પણ માનવીની જેમ લાગણીશીલ હોય છે એમાંથી માનવતા શીખવાની જરૂરિયાત છે.

                                         ઘણીવાર કામના બોજને લીધે તેમની  માં સાથે તેઓ અને  એમના ભાઈબહેનો  મળી શકતા ન હતા  . નાડેલાના માં જયારે એની મરણપથારીએ હતા  ત્યારે  બધા  ભાઈ બહેનો  ભેગા થયા હતા ત્યારે માએ લાગણીશીલ થઇ  કહ્યું  હતું કે ' અત્યારે તમને બધાને સાથે જોઈને  મને તમારા પ્રેમનો જે અનુભવ થઇ રહ્યો છે.  એ જોઈને લાગે છે કે  આવી રીતે વારંવાર મળતા રહેવું જોઈતું હતું. '  એમાં  નાડેલાને  માને વારંવાર  ન મળી શકવાનો ખેદ દેખાય છે.

                                          નાડેલાએ પોતાના પિતાના મૃત્યુબાદ એમના કપાળ પર ચુંબન કર્યું હતું તે વખતે  એમને યાદ આવ્યું હતું  કે આવું  ચુંબન મેં  બાલ અવસ્થામાં જ તેમને કર્યું હતું .  માનવી જીવનમાં ગમે  એટલી ઊંચ્ચી કક્ષાએ પહોંચે પણ લાગણીઓમાં કઈ ફર્ક પડતો નથી.

                                        આગળ ચાલતા તેઓ કહેછેકે  માનવીએ બીજાની સાથે વસ્તુઓ અને  સુખ  વહેંચતા  શીખવું જોઈએ. જે મળે તેને જીવનમાં આનંદથી માણતા શીખવું જોઈએ.

                                              ************************************** 

તંદુરસ્ત  જીવન 

                                                   ઘણા લોકો  જીવવા માટે જીવતા હોય છે જ્યારે  ઘણા જીવન જીવી જતા હોય છે.  જીવન જીવવું એ પણ એક  કલા  છે. તંદુરસ્ત અને સુખી જીવન માનવ જીવનને આનંદથી ભરી દે છે.  પરંતુ એવું જીવન જીવવા માટે પણ જીવનને  શિસ્ત પૂર્વક જીવવું આવશ્યક છે. 

                                                  આહાર  પણ તંદુરસ્ત  હોવો જોઈએ . જેમકે લીલા શાકભાજી , ફળો  અને સૂકોમેવો   જેવો હોવો જોઈએ .  ખરાબ  આદતોથી દૂર રહેવું  જરૂરી છે. સિગરેટે  પીવા જેવો શોખ હાનિકારક હોય છે . પરંતુ નારિયળનું પાણી શરીર માટે  નિર્દોષ  પીણું છે.

                                                ચાર કિલોમીટર દરરોજ ચાલવું  અને અઠવાડિયામાં એક વાર કસરત તંદુરસ્ત શરીરની જરૂરિયાત છે.  શરીરના બધા અંગોને તંદુરસ્ત રાખવા માટે  કેરેમ, ચેસ , લુડો  અને સૂડોકો જેવી રમતો  રમતા રહેવું જોઈએ.

                                              નવા નવા લોકોને મળતા રહેવાથી  શરીરને તાજગી મળે છે .  અને  મન ગમતી પ્રવૃતિઓમાં  વ્યસ્ત રહેવાથી  નકારાત્મક વિચારોમાંથી  મુક્તિ મળે છે .  નવું  નવું શીખવાથી  માનસિક રીતે  પણ  તંદુરસ્તી  પણ વધતી રહે છે. 

                                            આંઠ  કલાકની ઊંઘ  શરીરને તાજગી  આપે છે અને શરીરની  સુસ્તી દૂર કરે છે . તે ઉપરાંત આત્મવિશ્વાસ  હોવો પણ જરૂરી છે .  નાની નાની બાબતોમાં ચિંતા શરીરને નુકશાન કરી શકે  છે.  આથી ચિંતાથી દૂર રહેવા માટે એના કારણોને દૂર કરવા જોઈએરસ્ત જીવનની ચાવી છે. 

                                  ****************************************** 

 

ભારતના  કંગાળ પડોસીઓ 

                                                     ભારતની બાજુમાં  આપણું પાડોસી પાકિસ્તાનની બધી જ રીતે વિકટ પરિસ્થિતિ થઇ છે. ફૂગાવો આસમાને  પહોંચી ગયો છે.  નાણાકીય રીતે પણ પાકિસ્તાન  દેવાળિયું થવાની એની પર છે. લોકો બે વખતના ભોજન માટે પણ મુશ્કેલ પરિસ્થિતિમાં આવી ગયા છે. ગરીબ લોકો પીસાઈ   રહયા છે ત્યારે સરકાર અને નેતાઓ એક બીજા પર આક્ષેપબાજી  કરી રહ્યા છે. આવા સંજોગોમાં પણ પાકિસ્તાની સરકારી લશ્કરી  બજેટ ૯.૫ અબજ ડોલર રાખ્યું છે. આજ બતાવેછેકે  પાકિસ્તાની સરકાર અસલામતીની લાગણીઓથી પીડાઈ રહી છે.

                                                 પાકિસ્તાનનું વિદેશી  દેવું  ૧૨૧ અબજ ડોલર છે જે ભરવાને તે અસમર્થ છે. આઈ એમ એફ  પાસે  અને દુનિયાના  કેટલાએ દેશો અને મુસ્લિમ દેશો  પાસે પણ  પાકિસ્તાન લોન માંગી રહ્યું છે પણ કોઈ પૈસા  આપવા તૈયાર નથી  કારણ કે પાકિસ્તાને  લોન પરત કરવાની વિસ્વાસનીયતા  ગુમાવી દીધી છે.

                                                   તે ઉપરાંત પાકિસ્તાને ઉભા કરેલા આંતકવાદીઓ  એને જ નુકસાન પહોચાડી રહ્યા છે. દરરોજ  આંતકવાદીઓ   હુમલો કરી સેંકડો  નિર્દોષ પાકિસ્તાનીઓને મારી રહ્યા છે.  અફઘાનિસ્તાનમાંથી પણ  આંતકવાદીઓ  હુમલા કરી રહ્યા છે જેમને અફઘાનિસ્તાનમાં સત્તા અપાવવામાં  પાકિસ્તાની  લશ્કરે જ મદદ કરી હતી.  એ પણ પાકિસ્તાનની કમનસીબી છે.  એક કહેવત છેને કે 'જેવું વાવો  એવું લણો '.

                                                        બીજા ભારતીય  પાડોસી અફઘાનિસ્તાનની પણ નાણાકીયરીતે હાલત ઘણી બુરી છે. બહુમતી દેશોએ તાલિબાની  અફઘાનિસ્તાનને માન્યતા પણ આપી નથી. કોઈ પણ દેશ શરત વગર લોન આપવા કે મદદ કરવા તૈયાર નથી.  અફઘાનિસ્તાનમાં તાલિબાનોએ   સ્ત્રીઓની હાલત બહુ ખરાબ કરવામાં આવી છે.  સ્ત્રીઓ માટે શાળા . કોલેજ , નોકરી માટેના દરવાજાઓ બંધ કરવાંમાં આવ્યા છે. સ્ત્રીઓ માટે  બુરખા પહેરવા  ફરજીયાત છે અને સ્ત્રીઓ પુરુષના સાથ  વગર નીકળવાની મનાઈ છે.  આવા સંજોગોમાં કોઈ પણ દેશ મદદ કરવા તૈયાર ન હોય એ સ્વભાવિક છે. આથી અંતે પ્રજા ગરીબાઈમાં સબળી રહી છે.               

                                                            આમ બંને આપણા પાડોસી દેશો ગરીબાઈમાં  છે. પરંતુ ભારત જેવા પ્રગતિશીલ  દેશ માટે એ ખતરાની ઘંટી  છે. એટલે ભારતે વધુ સતર્ક રહેવાની જરૂર છે.

                                               *********************************

                                                  

  

ભારતીય વિદ્યાર્થીઓનું પરદેશ ગમન

                                                                         ભારતીય સરકાર લાખો વિદ્યાર્થીઓ પાછળ કરોડો  રૂપિયા  વાપરે છે . પરંતુ  તેનો ઉપયોગ પરદેશોને જ મળે છે.  એ એક કોયડો છે.   અત્યારે લાખો ભારતીય  વિદ્યાર્થીઓ   અમેરિકા, ઇંગ્લેન્ડ, ઑસ્ટ્રેલિયા, રશિયા , ચીન અને  યુક્રેઇન જેવા દેશોમાં ભણે છે જયારે ભારતમાં ઉચ્ચ શિક્ષિત વિદ્યાલયો છે. એ એક કમનસીબી છે.

                                                           પરંતુ એના કારણો જાણવાની પણ જરૂરત છે. ભારતના વહીવટીઓ  કુશળ  નથી અને લાંચિયા હોય છે તેમની સાથે કામ લેવું મુશ્કેલ હોય છે. તે ઉપરાંત ભારત માં  સારી નોકરીની તકો ઓછી હોય છે . પરદેશમાં  જીવન પણ સરળ હોય છે .

                                                              ભારતીય યુનિવરસિટીઓમા  શિક્ષણનું  સ્તર પણ બહુ ઉંચ્ચ   હોતું નથી. તે ઉપરાંત  ઇન્ફ્રાસ્ટ્રકચર , અને વાહનવ્યહવારમાં પણ મુશ્કેલી  છે. જે પરદેશ જેટલા સરળ નથી .

                                                           એટલા બધા વિદ્યાર્થીઓ પરદેશ ગમન  કરતા હોવા છતાં અને દેશનું  મૂલ્યવાન પરદેશી નાણું વપરાતું હોવા છતાં  સરકારે જરૂરી પગલાં લીધા નથી. વારે  ઘડીએ દેશમાં  પડતી હડતાલો અને બંધોએ  પણ શિક્ષણને નુકસાન પહોચાડ્યું  છે.

                                                           આવા કારણોને  લીધે હોશિયાર વિદ્યાર્થીઓનો પ્રવાહ પરદેશ તરફ વધી ગયો છે. એને અટકાવવા જરૂરી પગલાંઓ આવશ્યક છે.

                                         *********************************** 

                                                     

                                                       

 

રિશી સુનક - ઇંગ્લેન્ડના વડા પ્રધાન  

                                                                    જે  બ્રિટને ભારત પર ૨૦૦ વર્ષ રાજ કર્યું તેના વડા પ્રધાન તરીકે એક ભારતીય મૂળના એવા રિશી સુનક રાજ કરી રહ્યા છે. વર્ષો પહેલા બ્રિટિશ કલબોમાં પાટિયા લાગેલા હતા કે  'ભારતીયઓ અને કુતરાઓને  દાખલ કરવામાં આવશે નહિ 'એજ ઇંગ્લેન્ડમાં ૧૦ ડાવઉનિંગ સ્ટ્રીટ જ્યા ઇંગલિશ વડાપ્રધાનનું  નિવાસ સ્થાન  ત્યાં  રિશી સુનક એના પાલતુ કુતરા સાથે આજે રહે છે. એ ભારત માટે ખુશનસીબી છે

                                                  રિશી સુનક  વિલિયમ પિત્ત પછી ૪૨ વર્ષે વડા પ્રધાન બનનારા બીજા યુવાન વડા પ્રધાન છે. તેઓની ઉજ્જવળ કાકિર્દી છે. ફુલબ્રાઇટ શીષવૃત્તિ પર અમેરિકા જઇને 'સ્ટેન્ડફોર્ડ વિશ્વ વિદ્યાલયમાંથી'  'એમબીએ ' કરી તેમણે ગોલ્ડમેન સાચ અને હેઝ ફંડ સાથે પણ કામ કરેલું છે.તેઓ અમેરિકાની સિલીકોન વેલી કે જ્યા મોટી હાઈ ટેક કંપનીઓ આવેલી છે એના પ્રશંસક રહ્યા છે.  એની બાબતમાં એમનું કહેવું છે. કે ' દસ મિનિટના ડ્રાઈવમાં  ૧૦૦ ઉપરાંત મોટી કંપનીઓ 'બે એરિયામાં ' આવેલી છે જેણે દુનિયાના લોકીઓની જિંદગી બદલી નાખી  છે. 

                                                     રિશી સુનક દારૂ પિતા નથી પણ કદીક પોકર ગેમ રમી લેછે .તેમની વિચારધારા સકારાત્મક  છે. તેઓ જરૂરી હોય તો  રિસ્ક લેવામાં  પણ માને છે.તેઓ ઘણા  શ્રીમંત છે . એમની પત્ની અક્ષતા ભારતની હાઈ ટેક કંપની ઇન્ફોસીસમાં ૭૩% હિસ્સો ધરાવે છે જેની કિંમત ૭૦૦ મિલિયનરૂપિયા જેટલી થાય છે. તેઓ એક એપાર્ટમેન્ટ સાન મોનિકા,કેલિફોર્નિયા અમેરિકા ખાતે પણ ધરાવે છે. રિશી સુનક ધાર્મિક હિન્દૂ છે. અને એમના માતા પિતાનાનું  મૂળ ભારતમાં છે. 

       અત્યારે બ્રિટનની અર્થ વ્યવસ્થા તકલીફ માંથી પસાર થઇ રહી છે અને એ કપરી જવાબદારી રિશી સુનક સંભાળી રહ્યા છે. 

                                                *****************************

                                     

 

એપલનું  ભવ્ય મુખ્ય કાર્યાલય 

                                                    અમેરિકન કંપની એપલનું  ભવ્ય કાર્યાલય સિલીકોન વેલી, કૅલીફૉનિયામાં આવેલું છે. જે સુખ સાયબી અને સગવડોથી ભરપૂર છે.  એપલના મોબાઈલો આખા વિશ્વમાં પ્રખ્યાત છે પરંતુ એના સંશોધનો તો આ કાર્યાલયમાં જ થાય છે. એથી એ કાર્યાલયને બધીજ જાતની સગવડોથી સજ્જ બનાવવામાં આવ્યું છે.  

                                                   એ કાર્યાલયને બાંધતા ૮વર્ષ લાગ્યા અને પાંચ બિલ્લીઓન ડોલરનો ખર્ચ આવ્યો છે.  ૫૭૬ એકરમાં પથરાયેલા એ કાર્યાલયનો ૮૦ % ભાગને લીલોતરીથી  વણી લેવામાં આવી  છે જેથી આજુબાજુનું વાતાવરણ ૧૨૦૦૦ કામદારો  માટે  સ્વચ્છ  અને આનંદદાયક રહે. એની ડિઝાઇન સ્ટીવ જોબના નિરક્ષણ  નીચે કરવામાં આવી હતી. એની ૭૫% ઇલેકટ્રીસિટી સોલાર પેનલ દ્વારા મેળવવામાં આવેછે. 

                                                 કામદારો માટે એક મોટી રેસ્ટોરન્ટ છે અને  મોટો   સ્ટીવ જોબ હોલ પણ છે. તે ઉપરાંત એકજુદું  વિઝિટર સેંટર પણ છે જે ૧૦૨૦૦ ફિટમાં પથરાયેલું છે. એમાં એપલ સ્ટોર્સ  અને  ૨૩૦૦ ફિટમાં કાફે આવેલું છે . અંડર ગ્રાઉન્ડ હોલમાં ભવ્ય સ્ટેજ  જેમાં કલા પ્રદર્શન અને યોગા જેવી પ્રવૃત્તિઓ પણ થઇ શકે છે. જે  જિમ લોનલે  સેન્ટર નામથી ઓળખાય છે . 

                                                 કામ કરતા લોકો માટે આરામ અને ચર્ચા  માટે જુદી જગ્યાઓની રચના કરવામાં આવી છે. કસરતો માટે પણ અલગ  જગ્યા રાખવામાં આવી છે. ટૂંકમાં કામ કરતા લોકોના સુખ અને સગવડોની અને ખાવા પીવાની  પણ વ્યવસ્થા  કરવામાં આવી જેથી તેઓ ઉત્તમ કામ આપી શકે.  કામમાં વાતાવરણ સારું હોય અને આનંદમય હોય તો લોકો રસપૂર્વક કામ પણ કરે અને દિન પ્રતિદિન કંપની પણ પ્રગતિ થતી રહે છે.

                                             ********************************

 

ચીનમાં લોકશાહીની મશ્કરી 

                                             ચીનમાં આમતો આપખુદશાહી ચાલે છે ,પરંતુ દુનિયાને દેખાડવા માટે ગયે વર્ષે મળેલી કૉમ્યૂનિસ્ટ પાર્ટીના ઉચ્ચ પોલીટ બ્યુરોએ જિનપિંગને  જીવનભર માટે રાજ કરવાનો પટ્ટો લખી આપ્યો છે. પોલીટબ્યુરોનાં અધિવેશન દરમિયાન જે નાટક ભજવાયું એ જોઈને દુનિયા પણ દંગ થઇ ગઈ.

                                              જિનપિંગે  સરમુખત્યાર  થવા માટે પહેલા એના ટીકાકારોને અધિવેશન માંથી  દૂર કર્યા.   ચીનના પૂર્વ પ્રમુખને બે અધિકારીઓ હોલની બહાર બળજબરીથી લઇ જતા દુનિયાએ વિડિઓ પર જોઈ લીધા . જિનપિંગને તેની કોઈ પડી ન હતી એ તેમની વર્તણુક બતાવતી હતી. તે ઉપરાંત જિનપિંગે એના વડાપ્રધાન અને નાયબ વડાપ્રધાનને પણ ખસેડી કાઢી એની જગ્યાએ પોતાના વફાદાર માણસો ને ગોઠવી દીધા. ઉચ્ચ સમિતિમાં પણ પોતાના માણસોને જગ્યાઓ આપી દીધી . આજ બતાવે છે કે જિનપિંગને સામે ટીકા કરવા વાળું હવે ચીનમાં કોઈ નથી.

                                                હાઈટેક ઉદ્યોગને કાબુમાં રાખવા એના પર વધુ અંકુશ રાખવાની નીતિ હવે વધુ સખત બનશે . દુનિયાના નાણા રોકનારાઓને એજ  ડર હતો તે હવે હકીકતમાં બદલાઈ ગયો છે. ઉદ્યોગો પર વધુ  સરકારી અંકુશથી ચીનમાં આવતું પરદેશી નાણું અને ઉદ્યોગોને એની આડ  અસર થશે એમાં શંકા નથી.  કોવિદ-૧૯ ના લોકડાઉને  ચીનમાં વેપાર ઉદ્યોગને નુકશાન તો પહોંચ્યું છે પણ એ સાથે સરકારી અંકુશોને લીધે એમાં 'હોળીમાં ઘી રેડવાજેવી' હાલત થઇ રહી છે. એનાથી ભારત , વિએટનામ , જેવા દેશોમાં ચીનના વેપાર ઉદ્યોગો ચાલી જવા માંડ્યા છે.  

                                                ટૂંકમાં હવે ચીનમાં જિનપિંગને સવાલ પૂછનાર કોઈ નથી  એ હવે હકીકત બની ગઈ છે. તે ઉપરાંત ચીનમાં  કોરોનાના  ભયંકર ફૂફાડાએ  ચીનની હાલત બદતર બનાવી દીધી છે. જિનપિંગે ચીની પ્રજાના કોરોનોના કાબુમાં રાખવાના નિયમઓના વિરોધ વચ્ચે    'મરેતો મરવા દો'  ની નીતિ અપનાવી છે. પરંતુ એની  આડ અસર દુનિયા ભરમાં ફેલાશે એની પરવા કરી નથી. 

                                                    એતો દુનિયાની ઇતિહાસિક હકીકત છે કે 'સરમુક્તશાહીને '  પોતાના સિવાય કોઈની પરવાહ  હોતી  નથી. જેની ચીને મોટી કિંમત ચુકાવવી પડશે.

                                      **************************************